تطول السالفه وانسى ضيوفي واحتفي برضاك
والى جيت التفت عنك نسيت اخذ معي شوفي
هلابك..مرحبا..مليون طلقه وارحب وحياك
تنق اللي تبي منها ولو الهرج ما يوفي
انا لو عشت لك باقي حياتي ولو اموت فداك
عجزت ارد لك بعض الجميل اللي ملا جوفي
تسند لا تحسسني بنية بعدك وممشاك
ترى لو الهوى حرك ثيابك هدني خوفي
نعم قلت لك بنسى ولكني نسيت انساك
مثل ما انت نسيت العطر يملا عقبك كفوفي
عسى الله يقطع الشيطان لها قلبي ولا قهواك
تركت الدله وصبيت لك حلمي من كتوفي
جلست اقرا تعابيرك ولوي لابغيت اقراك
يلعثمني هدبك وتنتحر في عينك حروفي
تكلم قل احبك قل عشقتك قل مستحيل اجفاك
وامانه فكني من كل جرح عذره ظروفي
ابكتب لك بياض وفيه تقرى كل ما يهناك
وبسولف لك سكوت ومنه تسمع اخر حلوفي
تطول السالفه وانسى مجيك واجلس استناك
واصب اخر فناجيل الغلا واودع ضيوفي
حروف .. فوق السحاب ..
الرئيسية 
