جرح المشاعر اصبح اليوم عادي
............... والناس ماعادت مخاليق وقلوب
ودك تـشوف اللي يكنه فؤادي ؟
............... رمحٍ من اغلا شخص ويقال محبوب
ادمح ويهديني جروحٍ جدادي
............... ويشوف لجله غالي القلب مـسكوب
واقول فدوت عين غايه مرادي
............... اللي بعينه صـرت ماني بمحسوب
صابر على شانه وروحي تنادي
............... تـطرد سرابٍ صـار مافيه مـشروب
كـني على ذكراه حاديـن حادي
............... القلب كنه فيه مجبر ومـغـصوب
يـخـون فكري فيه حـلم الـرقادي
............... اذا بـغـيت انـساه ما عنه مهروب
يا صاحبي وشلون تـرضى بـعادي ؟
............... وانا من اجلك مرخصٍ كل رعبوب
انكرت حبي لك وقمة ودادي
............... فصختني مثل اللذي يفـصخ الثوب
حدرت مـع وادي وخـلك بـوادي
...............و الى متى يا صاحبي وانت مقـلوب؟
ولا تـعـتذر مادمت خـالي مبادي
............... مـتـجردٍ منها و لا عندك اسلـوب
غادي وتبقى بالزمن دوم غـادي
............... والشكوى لله بان ماكان مكتوب
الرئيسية 
