القلب { قلبي } بس ، وجهي تغيّر ..
..
القلب لك من ريش صار وجناحين ،
وما طار .. إلا يوم ~ عقلي تطيّر !
( أشتاق لك ) شوق الزهر للبساتين ..
وهذي فصول العمر طُب وتخيّر ،
لـ غياب ماغير ولاشي للحين :
زاد الوله .. والشوق فيني تجيّر !
عليك متغيّر ؟ من مفارق سنين !!
القلب { قلبي } بس ، وجهي تغيّر .
اللي بـ عمري ؟ شافوا الهم [ بعدين ] ..
لكن أنا .. شايف همومي صغيّر !
حبك خذاني من شبابي على وين ؟
مشيت لك مغصوب كني مسيّر !
عايش على الأحلام وبيوت من ( طين ) ..
وأيّام معدوده ... و قلبٍ تحيّر !
ياما فقدت أرواح ناسٍ عزيزين ،
و دنياي أسايرها وماني مخيّر .
واقف على أطراف { باب الثلاثين }
والشيب ضيفٍ ما دعيته و سيّر !
وجهي تغيّر من [ تجاعيد لسنين ] ،
بس إنت قلبك ليش .. فجأه : تغيّر !
اتمنى تنال اعجابكم ..
الرئيسية 
